Əvvəlcə qaxac ət və qurudulmuş bağırsaq (içi ətlə doldurulub qurudulur) yuyulur, üzərinə su əlavə olunur və ocağa qoyulur. Daha sonra un, su və duz ilə xəmir yoğrulub 20 dəqiqə dincəlməyə qoyulur. Yumşalmış xəmir qalın yayılır, ərsinlə uzununa lent şəklində, daha sonra eninə 2-2,5 sm kəsilir. Unlanır və barmaqla eşilir. Qaynayan suya duz və sürhüllü xəmirləri əlavə olunub bişirilir. Hazır olduqda, süzgəclə sudan çıxarılır, boşqaba yığılır. Üzərinə ət və bağırsaq qoyulur, işgənə əlavə olunur. Süfrəyə sarımsaqlı turşu və kərə yağı ilə verilir.